- Updated: July 05, 2024 12:36 PM
ਬ੍ਰਿਟੇਨ ਵਿੱਚ ਕੀਰ ਸਟਾਰਮਰ ਦੀ ਅਗਵਾਈ ਵਾਲੀ ਲੇਬਰ ਪਾਰਟੀ ਨੇ ਸੰਸਦ ਦੇ ਹੇਠਲੇ ਸਦਨ ਵਿੱਚ ਪੂਰਨ ਬਹੁਮਤ ਹਾਸਲ ਕਰ ਲਿਆ ਹੈ। ਬ੍ਰੌਡਕਾਸਟਰ 'ਸਕਾਈ ਨਿਊਜ਼' ਨੇ ਹੁਣ ਤੱਕ ਐਲਾਨੇ ਨਤੀਜਿਆਂ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ। ਸਕਾਈ ਨਿਊਜ਼ ਨੇ ਸ਼ੁੱਕਰਵਾਰ ਨੂੰ ਤੜਕੇ ਕਿਹਾ ਕਿ ਲੇਬਰ ਨੇ ਸੰਸਦ ਵਿੱਚ 326 ਸੀਟਾਂ ਜਿੱਤੀਆਂ ਹਨ, 650 ਵਿੱਚੋਂ 467 ਸੀਟਾਂ ਐਲਾਨੀਆਂ ਹਨ। ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਕਿਸੇ ਵੀ ਮੀਡੀਆ ਆਉਟਲੈਟ ਦੁਆਰਾ 326 ਸੀਟਾਂ ਦੀ ਸੀਮਾ 'ਤੇ ਪਹੁੰਚ ਜਾਣ ਦੀ ਘੋਸ਼ਣਾ ਕਰਨ ਤੋਂ ਕੁਝ ਮਿੰਟ ਪਹਿਲਾਂ ਹੀ ਆਮ ਚੋਣਾਂ ਵਿੱਚ ਹਾਰ ਮੰਨ ਲਈ ਸੀ।
ਤਿੰਨ ਪ੍ਰਸਾਰਕਾਂ - ਬੀ.ਬੀ.ਸੀ, ਆਈ.ਟੀਵੀ ਅਤੇ ਸਕਾਈ ਨਿਊਜ਼ - ਦੁਆਰਾ ਕਰਵਾਏ ਗਏ ਐਗਜ਼ਿਟ ਪੋਲ ਨੇ ਕੁਝ ਘੰਟੇ ਪਹਿਲਾਂ ਭਵਿੱਖਬਾਣੀ ਕੀਤੀ ਸੀ ਕਿ ਲੇਬਰ 410 ਸੀਟਾਂ 'ਤੇ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰੇਗੀ ਜਦੋਂ ਕਿ ਕੰਜ਼ਰਵੇਟਿਵਾਂ ਦੀਆਂ ਸੀਟਾਂ ਦੀ ਗਿਣਤੀ ਘੱਟ ਕੇ 131 ਰਹਿ ਜਾਵੇਗੀ। ਸੁਨਕ ਨੇ ਕਿਹਾ, "ਲੇਬਰ ਪਾਰਟੀ ਨੇ ਇਹ ਆਮ ਚੋਣ ਜਿੱਤੀ ਹੈ ਅਤੇ ਮੈਂ ਸਰ ਕੀਰ ਸਟਾਰਮਰ ਨੂੰ ਉਸਦੀ ਜਿੱਤ 'ਤੇ ਵਧਾਈ ਦੇਣ ਲਈ ਫ਼ੋਨ ਕੀਤਾ ਹੈ।'' ਸੁਨਕ ਨੇ ਕਿਹਾ, "ਬ੍ਰਿਟਿਸ਼ ਲੋਕਾਂ ਨੇ ਅੱਜ ਰਾਤ ਨੂੰ ਇੱਕ ਗੰਭੀਰ ਫ਼ੈਸਲਾ ਲਿਆ ਹੈ, ਸਿੱਖਣ ਲਈ ਬਹੁਤ ਕੁਝ ਹੈ ਅਤੇ ਮੈਂ ਨੁਕਸਾਨ ਦੀ ਜ਼ਿੰਮੇਵਾਰੀ ਲੈਂਦਾ ਹਾਂ।''
ਸੁਨਕ ਦੇ ਬ੍ਰਿਟੇਨ ਦੇ ਰਾਜਾ ਚਾਰਲਸ III ਨੂੰ ਮਿਲਣ ਤੋਂ ਬਾਅਦ ਜਲਦੀ ਹੀ ਆਪਣੇ ਅਸਤੀਫ਼ੈ ਦਾ ਐਲਾਨ ਕਰਨ ਦੀ ਉਮੀਦ ਹੈ, ਜਿਸ ਨਾਲ ਸਟਾਰਮਰ ਲਈ ਬ੍ਰਿਟੇਨ ਦਾ ਨਵਾਂ ਪ੍ਰਧਾਨ ਮੰਤਰੀ ਬਣਨ ਦਾ ਰਾਹ ਪੱਧਰਾ ਹੋ ਜਾਵੇਗਾ। ਲੇਬਰ ਦੇ ਬਹੁਮਤ ਦੀ ਪੁਸ਼ਟੀ ਕਰਨ ਤੋਂ ਬਾਅਦ ਸਟਾਰਮਰ ਨੇ ਕੇਂਦਰੀ ਲੰਡਨ ਵਿੱਚ ਇੱਕ ਭੀੜ ਨੂੰ ਸੰਬੋਧਿਤ ਕੀਤਾ। ਉਸ ਨੇ ਕਿਹਾ ਕਿ ਅਸੀਂ ਇਹ ਕੀਤਾ। ਤੁਸੀਂ ਇਸਦੇ ਲਈ ਪ੍ਰਚਾਰ ਕੀਤਾ, ਤੁਸੀਂ ਇਸਦੇ ਲਈ ਲੜਾਈ ਲੜੀ ਅਤੇ ਹੁਣ ਇਹ ਇੱਥੇ ਹੈ।" ਉਸਨੇ ਕਿਹਾ, "ਤਬਦੀਲੀ ਹੁਣ ਸ਼ੁਰੂ ਹੁੰਦੀ ਹੈ।" ਉਸਨੇ ਕਿਹਾ, "ਬ੍ਰਿਟਿਸ਼ ਲੋਕਾਂ ਨੇ ਸਾਡੀਆਂ ਅੱਖਾਂ ਵਿੱਚ ਦੇਖਣਾ ਸੀ ਅਤੇ ਇਹ ਦੇਖਣਾ ਸੀ ਕਿ ਅਸੀਂ ਉਨ੍ਹਾਂ ਦੇ ਹਿੱਤਾਂ ਦੀ ਸੇਵਾ ਕਰ ਸਕਦੇ ਹਾਂ ਅਤੇ ਇਹ ਹੁਣ ਨਹੀਂ ਰੁਕੇਗਾ।' ਉਸਨੇ ਕਿਹਾ, ''ਮੈਂ ਤੁਹਾਡੇ ਨਾਲ ਵਾਅਦਾ ਨਹੀਂ ਕਰਦਾ ਕਿ ਇਹ ਆਸਾਨ ਹੋਵੇਗਾ। ਪਰ ਜਦੋਂ ਹਾਲਾਤ ਮੁਸ਼ਕਲ ਹੋ ਜਾਣ ਅਤੇ ਅਜਿਹਾ ਹੋਵੇਗਾ ਉਦੋਂ ਵੀ ਅੱਜ ਵੀ ਰਾਤ ਅਤੇ ਹਮੇਸ਼ਾ ਯਾਦ ਰੱਖੋ ਕਿ ਇਹ ਸਭ ਕਿਸ ਬਾਰੇ ਹੈ।