- Updated: June 18, 2026 01:04 PM
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਵਿਵਾਦਿ ਵੀਡੀਓ ਨੂੰ ਲੈ ਕੇ ਸਿਆਸਤ ਗਰਮਾਈ ਹੋਈ ਹੈ। ਇਸੇ ਵਿਚ ਅੱਜ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਤੇ ਬਲਤੇਜ ਸਿੰਘ ਪੰਨੂ ਨੇ ਪ੍ਰੈੱਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਆਮ ਆਦਮੀ ਪਾਰਟੀ ਨੇ 2 ਰਿਪੋਰਟਾਂ ਪੇਸ਼ ਕੀਤੀਆਂ।
ਪਾਰਟੀ ਨੇ ਦਾਅਵਾ ਕੀਤਾ ਕਿ ਇਨ੍ਹਾਂ ਰਿਪੋਰਟਾਂ ਵਿਚ ਕੁਲ 1191 ਵੱਖ-ਵੱਖ ਐਂਗਲਾਂ ਤੋਂ ਜਾਂਚ ਕੀਤੀ ਗਈ ਹੈ ਕਿ ਕਥਿਤ ਵੀਡੀਓ ਵਿਚ ਦਿਖਣ ਵਾਲਾ ਸ਼ਖਸ ਸੀਐੱਮ ਮਾਨ ਨਹੀਂ ਹੈ, ਸਗੋਂ ਕਿਸੇ ਅਭਿਨੇਤਾ ਦਾ ਇਸਤੇਮਾਲ ਕਰਕੇ ਵੀਡੀਓ ਤਿਆਰ ਕੀਤਾ ਗਿਆ ਹੈ। ਦੂਜੇ ਪਾਸੇ ‘ਆਪ’ ਇਸ ਮਾਮਲੇ ਵਿਚ ਪੰਜਾਬ ਡੀਜੀਪੀ ਨਾਲ ਵੀ ਮੁਲਾਕਾਤ ਕਰਨ ਜਾ ਰਹੀ ਹੈ।
ਮੰਤਰੀ ਚੀਮਾ ਨੇ ਕਿਹਾ ਕਿ ਇਨ੍ਹਾਂ ਰਿਪੋਰਟਾਂ ਵਿਚ ਇਕ ਐਂਗਲ ਨਹੀਂ ਹੈ ਸਗੋਂ 1191 ਵੱਖ-ਵੱਖ ਐਂਗਲ ਲਏ ਗਏ ਹਨ ਜੋ ਦੱਸਦੇ ਹਨ ਕਿ CM ਚਿਹਰੇ, ਬਾਡੀ ਪੋਸਟਰ ਤੇ ਉਨ੍ਹਾਂ ਦੇ ਚੱਲਣ-ਫਿਰਨ ਤੋਂ ਲੈ ਕੇ ਸਾਰੀਆਂ ਚੀਜ਼ਾਂ ਦਾ ਵਿਸ਼ਲੇਸ਼ਣ ਕੀਤਾ ਗਿਆ ਹੈ। ਦੋਵੇਂ ਲੈਬ ਇੰਡਿਪੇਂਡੇਂਟ ਹਨ। ਭਾਰਤ ਸਰਕਾਰ ਤੋਂ ਮਾਨਤਾ ਪ੍ਰਾਪਤ ਹੈ ਤੇ ਪੰਜਾਬ ਦੇ ਬਾਹਰ ਦੀ ਹੈ।