- Updated: April 24, 2024 01:33 PM
ਇੰਡੋਨੇਸ਼ੀਆਈ ਜੁਆਲਾਮੁਖੀ ਨੂੰ ਦੇਖਣਾ ਇੱਕ ਚੀਨੀ ਔਰਤ ਲਈ ਮੌਤ ਦਾ ਕਾਰਨ ਬਣ ਗਿਆ ਜਦੋਂ ਉਹ ਬਲਦੇ ਜੁਆਲਾਮੁਖੀ ਨੇੜੇ ਇੱਕ ਫੋਟੋ ਲਈ ਪੋਜ਼ ਦੇ ਰਹੀ ਸੀ। ਇਹ ਘਟਨਾ ਆਈਜੇਨ ਜੁਆਲਾਮੁਖੀ ਵਿਚ ਵਾਪਰੀ ਜੋ ਆਪਣੇ ਮਨਮੋਹਕ 'ਨੀਲੀ ਅੱਗ' ਵਾਲੀ ਘਟਨਾ ਲਈ ਮਸ਼ਹੂਰ ਹੈ। ਔਰਤ ਦੀ ਪਛਾਣ ਚੀਨੀ ਔਰਤ ਹੁਆਂਗ ਲਿਹੋਂਗ (31) ਵਜੋਂ ਹੋਈ ਹੈ। ਜਾਣਕਾਰੀ ਮੁਤਾਬਕ ਹੁਆਂਗ ਲਿਹੋਂਗ ਆਪਣੇ ਪਤੀ ਨਾਲ ਗਾਈਡ ਟੂਰ 'ਤੇ ਸੀ। ਇਹ ਘਟਨਾ ਬੀਤੇ ਸ਼ਨੀਵਾਰ ਦੀ ਹੈ।
ਅਧਿਕਾਰੀਆਂ ਨੇ ਇਸ ਘਟਨਾ ਨੂੰ ਮੰਦਭਾਗਾ ਹਾਦਸਾ ਦੱਸਿਆ ਹੈ। ਟੂਰ ਗਾਈਡ ਨੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਕਿ ਫੋਟੋਆਂ ਖਿੱਚਣ ਵੇਲੇ ਕ੍ਰੇਟਰ ਕਿਨਾਰੇ ਦੇ ਬਹੁਤ ਨੇੜੇ ਜਾਣ ਦੇ ਖ਼ਤਰਿਆਂ ਬਾਰੇ ਵਾਰ-ਵਾਰ ਚੇਤਾਵਨੀਆਂ ਦੇ ਬਾਵਜੂਦ ਹੁਆਂਗ ਲਿਹੋਂਗ ਵਧੀਆ ਸ਼ਾਟ ਲੈਣ ਲਈ ਪਿੱਛੇ ਵੱਲ ਵਧੀ, ਜਿਸ ਨਾਲ ਇਹ ਦੁਖਦਾਈ ਹਾਦਸਾ ਵਾਪਰਿਆ। ਅਧਿਕਾਰੀਆਂ ਮੁਤਾਬਕ ਲਿਹੋਂਗ ਦੀ ਲਾਸ਼ ਨੂੰ ਕੱਢਣ 'ਚ ਕਰੀਬ 2 ਘੰਟੇ ਲੱਗ ਗਏ।
ਤੁਹਾਨੂੰ ਦੱਸ ਦੇਈਏ ਕਿ ਇਜੇਨ ਜਵਾਲਾਮੁਖੀ ਸਲਫਿਊਰਿਕ ਗੈਸ ਦੇ ਬਲਨ ਤੋਂ ਨਿਕਲਣ ਵਾਲੀ ਨੀਲੀ ਅੱਗ ਅਤੇ ਨੀਲੀ ਰੋਸ਼ਨੀ ਲਈ ਜਾਣਿਆ ਜਾਂਦਾ ਹੈ। ਇੰਡੋਨੇਸ਼ੀਆ ਲਗਭਗ 130 ਸਰਗਰਮ ਜੁਆਲਾਮੁਖੀ ਦਾ ਘਰ ਹੈ। ਸਮੇਂ-ਸਮੇਂ ਤੇ ਗੈਸਾਂ ਦੇ ਨਿਕਾਸ ਦੇ ਬਾਵਜੂਦ, ਮਾਉਂਟ ਇਜੇਨ ਇੱਕ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ ਹੈ।