- Updated: March 30, 2024 03:55 PM
ਜਨਮ ਤੋਂ ਜੁੜੀਆਂ ਦੋ ਭੈਣਾਂ ਐਬੀ ਅਤੇ ਬ੍ਰਿਟਨੀ ਹੇਂਸਲ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆ ਗਈਆਂ ਹਨ। ਦਰਅਸਲ ਇਨ੍ਹਾਂ ਨੇ ਇੱਕ ਸੇਵਾਮੁਕਤ ਫੌਜੀ ਅਫਸਰ ਨਾਲ ਵਿਆਹ ਕਰਵਾ ਲਿਆ ਹੈ। ਦੋਵੇਂ ਪਹਿਲੀ ਵਾਰ 1996 'ਚ 'ਦਿ ਓਪਰਾ ਵਿਨਫਰੇ ਸ਼ੋਅ' 'ਤੇ ਨਜ਼ਰ ਆਉਣ ਮਗਰੋਂ ਸੁਰਖੀਆਂ ਵਿਚ ਆਈਆਂ ਸਨ।
ਹਾਲ ਹੀ ਵਿੱਚ ਦੋਵਾਂ ਨੇ ਇੱਕ ਸੇਵਾਮੁਕਤ ਯੂ.ਐੱਸ. ਆਰਮੀ ਅਫਸਰ ਜੋਸ਼ ਬੌਲਿੰਗ ਨਾਲ ਵਿਆਹ ਕੀਤਾ ਹੈ। ਉਨ੍ਹਾਂ ਦੇ ਵਿਆਹ ਦੀ ਫੋਟੋ ਬ੍ਰਿਟਨੀ ਹੈਂਸਲ ਦੇ ਫੇਸਬੁੱਕ ਪ੍ਰੋਫਾਈਲ 'ਤੇ ਸਾਂਝੀ ਕੀਤੀ ਗਈ ਹੈ। ਇਸ ਵਿੱਚ ਦੋਵੇਂ ਭੈਣਾਂ ਨੂੰ ਜੋਸ਼ ਬੌਲਿੰਗ ਦੇ ਸਾਹਮਣੇ ਖੜੇ ਹੋਏ ਅਤੇ ਉਨ੍ਹਾਂ ਦਾ ਹੱਥ ਫੜੇ ਹੋਏ ਦੇਖਿਆ ਜਾ ਸਕਦਾ ਹੈ। ਐਬੀ ਅਤੇ ਬ੍ਰਿਟਨੀ ਹੇਂਸਲ ਇਸ ਸਮੇਂ ਪੰਜਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਪੜ੍ਹਾ ਰਹੀਆਂ ਹਨ। ਉਹ ਅਮਰੀਕਾ ਦੇ ਆਪਣੇ ਜੱਦੀ ਸ਼ਹਿਰ ਮਿਨੇਸੋਟਾ ਵਿੱਚ ਰਹਿੰਦਿਆਂ ਹਨ। ਦੂਜੇ ਪਾਸੇ, ਜੋਸ਼ ਬੌਲਿੰਗ ਦੇ ਫੇਸਬੁੱਕ ਪੇਜ 'ਤੇ ਉਹਨਾਂ ਦੇ ਵਿਆਹ ਦੀ ਇੱਕ ਵੀਡੀਓ ਕਲਿੱਪ ਵੀ ਸਾਹਮਣੇ ਆਈ ਹੈ। ਇਸ ਵਿੱਚ ਉਹ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਐਬੀ ਅਤੇ ਬ੍ਰਿਟਨੀ ਹੈਂਸਲ ਦਾ ਸਰੀਰ ਮਿਸ਼ਰਤ ਹੈ। ਐਬੀ ਸੱਜੀ ਬਾਂਹ ਅਤੇ ਸੱਜੀ ਲੱਤ ਨੂੰ ਕੰਟਰੋਲ ਕਰਦੀ ਹੈ, ਜਦੋਂ ਕਿ ਬ੍ਰਿਟਨੀ ਖੱਬੇ ਪਾਸੇ ਨੂੰ ਕੰਟਰੋਲ ਕਰਦੀ ਹੈ।