- Updated: July 01, 2026 01:28 PM
ਬਟਾਲਾ ਨੇੜੇ ਅਲੀਵਾਲ ਨਹਿਰ ‘ਤੇ ਬਟਾਲਾ ਪੁਲਿਸ ਵੱਲੋਂ ਬਿੱਲਾ ਬਦਮਾਸ਼ ਦਾ ਐਨਕਾਊਂਟਰ ਕੀਤਾ ਗਿਆ। ਬਦਮਾਸ਼ ਦਾ ਪੱਕਾ ਨਾਮ ਮਲਕੀਤ ਸਿੰਘ ਹੈ ਇਸ ਨੇ ਬਟਾਲਾ ਦੇ ਵੱਖ-ਵੱਖ ਥਾਵਾਂ ‘ਤੇ ਕਈ ਵਾਰ ਫਾਇਰਿੰਗ ਕੀਤੀ ਤੇ ਫਿਰੌਤੀ ਮੰਗੀ।
ਮਿਲੀ ਜਾਣਕਾਰੀ ਮੁਤਾਬਕ ਬਦਮਾਸ਼ ਨੇ ਰਾਈਫਲ ਰੈਸਟੋਰੈਂਟ, ਕਰਾਊਨ ਕਾਰ, ਫੈਸ਼ਨ ਲੰਡਨ ਗਾਰਮੈਂਟ ਸ਼ਾਪ ਤੋਂ ਇਲਾਵਾ ਹੋਰ ਕਈ ਥਾਵਾਂ ਤੇ ਲੋਕਾਂ ਕੋਲੋਂ ਫਿਰੋਤੀ ਮੰਗੀ ਸੀ। ਉਹ ਵਿਦੇਸ਼ ‘ਚ ਬੈਠੇ ਗੈਂਗਸਟਰ ਦਾ ਗੁਰਗਾ ਹੈ। ਬਟਾਲਾ ਪੁਲਿਸ ਨੇ ਅੱਜ ਸਵੇਰੇ ਜਦੋਂ ਇਹਨੂੰ ਅਲੀਵਾਲ ਨੇੜੇ ਨਹਿਰ ਦੇ ਕੰਢੇ ਰਿਕਵਰੀ ਲਈ ਲਿਆਂਦਾ ਸੀ ਤੇ ਇਸ ਨੇ ਪੁਲਿਸ ‘ਤੇ ਤਿੰਨ ਰਾਉਂਡ ਫਾਇਰ ਕੀਤੇ, ਜਿਸ ਮਗਰੋਂ ਬਟਾਲਾ ਪੁਲਿਸ ਨੇ ਜਵਾਬੀ ਕਾਰਵਾਈ ਕਰਦੇ ਹੋਏ ਗੋਲੀ ਚਲਾਈ, ਜਿਸ ਵਿਚ ਬਦਮਾਸ਼ ਜਖਮੀ ਹੋ ਗਿਆ।
ਉਸ ਨੂੰ ਜਖਮੀ ਹਾਲਤ ਵਿਚ ਨੇੜੇ ਦੇ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਅਕਸਰ ਬਟਾਲਾ ਦੇ ਵਿੱਚ ਜਦੋਂ ਵੀ ਕਿਸੇ ਨੂੰ ਫਰੌਤੀ ਦੀ ਕਾਲ ਜਾਂਦੀ ਸੀ ਤੇ ਜੇ ਉਹ ਪੈਸੇ ਨਹੀਂ ਦਿੰਦਾ ਸੀ ਤਾਂ ਇਹ ਬਦਮਾਸ਼ ਉਹਨਾਂ ਦੇ ਘਰ ਦੇ ਜਾਂ ਦੁਕਾਨ ਦੇ ਬਾਹਰ ਜਾ ਕੇ ਗੋਲੀਆਂ ਚਲਾਉਂਦੇ ਸਨ। ਮਿਲੀ ਜਾਣਕਾਰੀ ਅਨੁਸਾਰ ਦੋਸ਼ੀ ‘ਤੇ ਪਹਿਲਾਂ ਵੀ ਵੱਖ-ਵੱਖ ਧਰਾਵਾਂ ਤਹਿਤ 12 ਮੁਕੱਦਮੇ ਦਰਜ ਹਨ।