- Updated: November 28, 2022 07:37 PM
ਭਾਰਤੀ ਤਕਨਾਲੋਜੀ ਸੰਸਥਾਨ (ਆਈ.ਟੀ.ਆਈ.) ਮਦਰਾਸ ਦੇ ਵਿਦਿਆਰਥੀਆਂ ਨੇ ਮੋਸਵਾਰ ਨੂੰ ਦੇਸ਼ ਦੀ ਪਹਿਲੀ ਇਲੈਕਟ੍ਰਿਕ ਫਾਰਮੂਲਾ ਰੇਸਿੰਗ ਕਾਰ ਲਾਂਚ ਕੀਤੀ। ਕਾਰ ‘RF 23’ ਪੂਰੀ ਤਰ੍ਹਾਂ ਵਿਦਿਆਰਥੀਆਂ ਦੇ ਸਮੂਹ ‘ਟੀਮ ਰਫਤਾਰ’ ਨੇ ਬਣਾਇਆ ਹੈ, ਜਿਸਦੇ ਡਿਜ਼ਾਈਨ, ਨਿਰਮਾਣ ਅਤੇ ਪ੍ਰੀਖਣ ’ਚ ਲਗਭਗ ਇਕ ਸਾਲ ਦਾ ਸਮਾਂ ਲੱਗਾ ਹੈ। ਪ੍ਰਦਰਸ਼ਨ ਨੂੰ ਲੈ ਕੇ ਵਿਦਿਆਰਥੀਆਂ ਦਾ ਅਨੁਮਾਨ ਹੈ ਕਿ ਇਸਦੀ ਰਫਤਾਰ ਅਤੇ ਚੱਕਰ ਪੂਰਾ ਕਰਨ ’ਚ ਪੁਰਾਣੇ ਫਿਊਲ ਇੰਜਣ ਵਾਲੇ ਮਾਡਲ ਦੇ ਮੁਕਾਬਲੇ ਵਾਧਾ ਵੇਖਿਆ ਜਾ ਸਕਦਾ ਹੈ, ਕਿਉਂਕਿ ਇਲੈਕ੍ਰਿਕ ਇੰਜਣ ਨਾਲ ਇਸ ਨੂੰ ਜ਼ਿਆਦਾ ਪਾਵਰ ਮਿਲਦੀ ਹੈ।
ਟੀਮ ਰਫਤਾਰ ਦਾ ਟੀਚਾ ਵਿਸ਼ਵ ਦਾ ਬਿਹਤਰੀਨ ਫਾਰਮੂਲਾ ਵਿਦਿਆਰਥੀ ਸਮੂਹ ਬਣਦੇ ਹੋਏ ਦੇਸ਼ ’ਚ ਲਗਾਤਾਰ ਨਵਾਚਾਰ ਅਤੇ ਸਥਿਰ ਤਕਨੀਕ ਦੇ ਨਾਲ ਫਾਰਮੂਲਾ ਵਿਦਿਆਰਥੀ ਸੱਭਿਆਚਾਰ ਨੂੰ ਉਤਸ਼ਾਹ ਦੇਣਾ ਹੈ। ਟੀਮ ਰਫਤਾਰ ’ਚ ਵੱਖ-ਵੱਖ ਵਿਸ਼ਿਆਂ ਦੇ 45 ਵਿਦਿਆਰਥੀ ਸ਼ਾਮਲ ਹਨ ਅਤੇ ਇਹ ਆਈ.ਆਈ.ਟੀ. ਮਦਰਾਸ ਦੇ ਸੈਂਟਰ ਫਾਰ ਇਨੋਵੇਸ਼ਨ ਦੀ ਪ੍ਰਤੀਯੋਗਿਤਾ ਟੀਮ ਹੈ। ਆਪਣੀ ਇਸ ਕਾਰ ਦੇ ਨਾਲ ਟੀਮ ਭਾਰਤ ਨੂੰ ਅੰਤਰਾਸ਼ਟਰੀ ਪੱਧਰ ’ਤੇ ਪੇਸ਼ ਕਰਨਾ ਚਾਹੁੰਦੀ ਹੈ।
ਟੀਮ ਰਫਤਾਰ ਆਰ.ਐੱਫ. 23 ਨੂੰ ਦੁਨੀਆ ਦੇ ਮਸ਼ਹੂਰ ਫਾਰਮੂਲਾ ਵਿਦਿਆਰਥੀ ਪ੍ਰੋਗਰਾਮ ਯਾਨੀ ਫਾਰਮੂਲਾ ਸਟੂਡੈਂਟ ਜਰਮਨੀ ’ਚ ਅਗਸਤ 2023 ’ਚ ਲੈ ਕੇ ਜਾਣ ਦਾ ਵਿਚਾਰ ਕਰ ਰਹੀ ਹੈ, ਜਿੱਥੇ ਦੁਨੀਆ ਭਰ ਦੀਆਂ ਸਰਵੋਤਮ ਟੀਮਾਂ ਹਿੱਸਾ ਲੈਂਦੀਆਂ ਹਨ।