- Updated: November 17, 2022 02:10 PM
ਇੰਡੋਨੇਸ਼ੀਆ ਦੇ ਬਾਲੀ ਪ੍ਰਾਇਦੀਪ ਨੇੜੇ 271 ਲੋਕਾਂ ਨੂੰ ਲੈ ਕੇ ਜਾ ਰਹੀ ਕਿਸ਼ਤੀ ਨੂੰ ਅੱਗ ਲੱਗ ਗਈ। ਹਾਲਾਂਕਿ, ਜਾਨੀ ਨੁਕਸਾਨ ਦੀ ਤੁਰੰਤ ਕੋਈ ਜਾਣਕਾਰੀ ਨਹੀਂ ਹੈ। ਬਚਾਅ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਮੁਤਿਆਰਾ ਤੈਮੂਰ ਨਾਮ ਦੀ ਕਿਸ਼ਤੀ ਵਿੱਚ 236 ਯਾਤਰੀ ਅਤੇ 35 ਕਰੂ ਮੈਂਬਰ ਸਵਾਰ ਸਨ। ਜਦੋਂ ਇਹ ਬਾਲੀ ਸਟ੍ਰੇਟ ਤੋਂ ਲਗਭਗ 1.5 ਕਿਲੋਮੀਟਰ ਦੀ ਦੂਰੀ 'ਤੇ ਸੀ ਤਾਂ ਇਸ ਨੂੰ ਅੱਗ ਲੱਗ ਗਈ।
ਬਾਲੀ ਦੀ ਖੋਜ ਅਤੇ ਬਚਾਅ ਏਜੰਸੀ ਦੇ ਮੁਖੀ ਗੇਡੇ ਦਰਮਾਦਾ ਨੇ ਕਿਹਾ ਕਿ ਦਰਜਨਾਂ ਬਚਾਅ ਕਰਮਚਾਰੀ, ਨੇਵੀ ਗੋਤਾਖੋਰ ਅਤੇ ਸਥਾਨਕ ਮਛੇਰੇ ਲੋਕਾਂ ਨੂੰ ਬਚਾਅ ਕੇ ਨੇਵੀ ਦੇ ਜਹਾਜ਼ ਤੱਕ ਲਿਆਏ ਅਤੇ ਜ਼ਖਮੀਆਂ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਬਚਾਅ ਕਾਰਜਾਂ 'ਤੇ ਧਿਆਨ ਕੇਂਦਰਿਤ ਕੀਤਾ ਹੋਇਆ ਹੈ। ਦਰਮਾਦਾ ਨੇ ਕਿਹਾ ਕਿ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
