- Updated: April 11, 2023 10:53 PM
ਟਵਿੱਟਰ ਦੇ ਤਿੰਨ ਸਾਬਕਾ ਐਗਜ਼ੀਕਿਊਟਿਵ ਨੇ ਕੰਪਨੀ ਖਿਲਾਫ ਮੁਕੱਦਮਾ ਦਾਇਰ ਕੀਤਾ ਹੈ। ਮੁਕੱਦਮਾ ਦਾਇਰ ਕਰਨ ਵਾਲਿਆਂ ਵਿਚ ਚੀਫ ਐਗਜ਼ੀਕਿਊਟਿਵ ਆਫਿਸਰ ਰਹੇ ਪਰਾਗ ਅਗਰਵਾਲ, ਚੀਫ ਫਾਈਨੈਂਸ਼ੀਅਲ ਆਫਿਸਰ ਨੇਡ ਸੇਗਲ ਤੇ ਲੀਗਲ ਅਫੇਅਰ ਐਂਡ ਪਾਲਿਸੀ ਚੀਫ ਵਿਜੇ ਗੱਡੇ ਹਨ। ਪਿਛਲੇ ਸਾਲ ਅਕਤੂਬਰ ਮਹੀਨੇ ਵਿਚ ਏਲਨ ਮਸਕ ਨੇ ਟਵਿੱਟਰ ਖਰੀਦਣ ਦੇ ਬਾਅਦ ਇਨ੍ਹਾਂ ਤਿੰਨਾਂ ਨੂੰ ਕੱਢ ਦਿੱਤਾ ਸੀ।
ਪਰਾਗ ਅਗਰਵਾਲ, ਨੇਡ ਸੇਗਲ ਤੇ ਵਿਜਯਾ ਗੱਡੇ ਨੇ ਇਸ ਮੁਕੱਦਮੇ ਜ਼ਰੀਏ ਦਾਅਵਾ ਕੀਤਾ ਹੈ ਕਿ ਕੰਪਨੀ ‘ਤੇ ਉਨ੍ਹਾਂ ਦਾ 1 ਮਿਲੀਅਨ ਡਾਲਰ ਤੋਂ ਜ਼ਿਆਦਾ ਬਕਾਇਆ ਹੈ। ਉਧਰ ਯੂਐੱਸ ਸਕਿਓਰਿਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ ਟਵਿੱਟਰ ਡੀਲ ਦੀ ਜਾਂਚ ਕਰ ਰਿਹਾ ਹੈ। ਕਮਿਸ਼ਨ ਇਹ ਦੇਖ ਰਿਹਾ ਹੈ ਕਿ ਏਲਨ ਮਸਕ ਨੇ ਟਵਿੱਟਰ ਦੇ ਸ਼ੇਅਰ ਖਰੀਦਦੇ ਸਮੇਂ ਨਿਯਮਾਂ ਦਾ ਪਾਲਣ ਕੀਤਾ ਸੀ ਜਾਂ ਨਹੀਂ।
ਟਵਿੱਟਰ ਦੇ ਕੋ-ਫਾਊਂਡਰ ਜੈਕ ਡੋਰਸੀ ਨੇ 29 ਨਵੰਬਰ 2021 ਨੂੰ ਟਵਿੱਟਰ ਦੇ ਸੀਈਓ ਅਹੁਦੇ ਤੋਂ ਅਸਤੀਫਾ ਦਿੱਤਾ ਸੀ ਜਿਸ ਦੇ ਬਾਅਦ ਪਰਾਗ ਅਗਰਵਾਲ ਨੂੰ ਕੰਪਨੀ ਦਾ ਸੀਈਓ ਬਣਾਇਆ ਗਿਆ ਸੀ। ਸੀਈਓ ਬਣਨ ਤੋਂ ਪਹਿਲਾਂ ਪਰਾਗ ਟਵਿੱਟਰ ਦੇ ਚੀਫ ਟੈਕਨਾਲੋਜੀ ਆਫਿਸਰ ਸਨ। ਸੀਈਓ ਵਜੋਂ ਅਗਰਵਾਲ ਦੀ ਤਨਖਾਹ 1 ਮਿਲੀਅਨ ਡਾਲਰ ਸੀ। ਹੁਣ ਦੇ ਹਿਸਾਬ ਨਾਲ ਰੁਪਏ ਵਿਚ ਇਹ 8.21 ਕਰੋੜ ਰੁਪਏ ਦੇ ਲਗਭਗ ਹੁੰਦੀ ਹੈ।
37 ਸਾਲ ਦੇ ਪਰਾਗ ਜਦੋਂ ਟਵਿੱਟਰ ਦੇ ਸੀਈਓ ਬਣੇ ਸਨ ਉਦੋਂ ਉਹ ਦੁਨੀਆ ਦੀਆਂ ਟੌਪ 500 ਕੰਪਨੀਆਂ ਵਿਚੋਂ ਸਭ ਤੋਂ ਯੁਵਾ CEO ਸਨ। IIT ਬਾਂਬੇ ਤੋਂ ਪੜ੍ਹਾਈ ਕਰਨ ਵਾਲੇ ਪਰਾਗ ਅਗਰਵਾਲ ਸਟੈਨਫੋਰਡ ਯੂਨੀਵਰਸਿਟੀ ਤੋਂ ਡਾਕਟਰੇਟ ਵੀ ਹਨ। ਟਵਿੱਟਰ ਨੇ 2018 ਵਿਚ ਉਨ੍ਹਾਂ ਨੇ ਏਡਮ ਮੈਸੇਜਰ ਦੀ ਜਗ੍ਹਾ ਚੀਫ ਟੈਕਨਾਲੋਜੀ ਆਫਿਸਰ ਬਣਾਇਆ ਸੀ। ਟਵਿੱਟਰ ਤੋਂ ਪਹਿਲਾਂ ਪਰਾਗ ਮਾਈਕ੍ਰੋਸਾਫਟ ਰਿਸਰਚ ਤੇ ਯਾਹੂ ਨਾਲ ਕੰਮ ਕਰ ਚੁੱਕੇ ਹਨ।