- Updated: October 20, 2023 07:24 AM
ਇਕ ਸਰਵੇਖਣ ਮੁਤਾਬਕ ਸਟੀਫਨ ਹਾਰਪਰ ਤੋਂ ਬਾਅਦ ਪਿਏਰੇ ਪੋਇਲੀਵਰ ਪਹਿਲੇ ਕੰਜ਼ਰਵੇਟਿਵ ਆਗੂ ਹਨਸ ਜੋ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਲਈ ਤਰਜੀਹੀ ਉਮੀਦਵਾਰ ਹਨ। ਨਵੀਨਤਮ ਨੈਨੋਸ ਰਿਸਰਚ ਸਰਵੇਖਣ ਵਿੱਚ ਦਿਖਾਇਆ ਗਿਆ ਹੈ ਕਿ ਪੋਇਲੀਵਰ ਨੂੰ 32.9 ਫ਼ੀਸਦੀ ਵੋਟ ਮਿਲੇ ਹਨ, ਜੋ ਕਿ ਉਨ੍ਹਾਂ ਦੇ ਮੁੱਖ ਵਿਰੋਧੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਤੋਂ ਬਹੁਤ ਅੱਗੇ ਹਨ, ਜਿਨ੍ਹਾਂ ਨੂੰ 23.3 ਫ਼ੀਸਦੀ ਵੋਟ ਮਿਲੇ ਹਨ। ਨਿਕ ਨੈਨੋਸ ਨੇ ਕਿਹਾ, "ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਇਲੀਵਰ ਨੇ ਟਰੂਡੋ 'ਤੇ ਮਹੱਤਵਪੂਰਨ ਬੜ੍ਹਤ ਬਣਾਉਣ ਅਤੇ ਕੰਜ਼ਰਵੇਟਿਵ ਸਟੀਫਨ ਹਾਰਪਰ ਦੇ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਦੇ ਇਕ ਪੱਧਰ ਤੱਕ ਪਹੁੰਚਣ ਲਈ ਸਾਕਾਰਾਤਮਕ ਤੌਰ 'ਤੇ ਟ੍ਰੈਕ ਕਰਨਾ ਜਾਰੀ ਰੱਖਿਆ।"
ਸਰਵੇਖਣ 'ਚ ਜਦੋਂ ਲੋਕਾਂ ਤੋਂ ਰਾਸ਼ਟਰੀ ਮੁੱਦਿਆਂ, ਮਹਿੰਗਾਈ ਅਤੇ ਤਰਜੀਹਾਂ ਬਾਰੇ ਪੁੱਛਿਆ ਗਿਆ ਤਾਂ 11.1% ਲੋਕਾਂ ਨੇ ਕਿਹਾ ਕਿ ਰੁਜ਼ਗਾਰ ਅਤੇ ਆਰਥਿਕਤਾ ਪ੍ਰਮੁੱਖ ਮੁੱਦੇ ਹਨ। ਇਸ ਤੋਂ ਇਲਾਵਾ 8.4 ਫ਼ੀਸਦੀ ਲੋਕਾਂ ਨੇ ਸਿਹਤ ਸੰਭਾਲ ਅਤੇ 7.9 ਫ਼ੀਸਦੀ ਲੋਕਾਂ ਨੇ ਵਾਤਾਵਰਣ ਨੂੰ ਮਹੱਤਵਪੂਰਨ ਮੁੱਦਾ ਮੰਨਿਆ। ਇਸ ਦੇ ਨਾਲ ਹੀ ਮਹਿੰਗਾਈ ਨੂੰ ਲੈ ਕੇ ਲੋਕਾਂ ਨੇ ਕਿਹਾ ਕਿ ਇਹ ਸਭ ਤੋਂ ਵੱਡੀ ਚੁਣੌਤੀ ਹੈ। ਮਹਿੰਗਾਈ ਦਰ ਵਿੱਚ ਪਿਛਲੇ ਮਹੀਨੇ ਦੇ ਮੁਕਾਬਲੇ 3 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ, ਜਦੋਂ ਕਿ ਵਾਤਾਵਰਣ ਸਭ ਤੋਂ ਅਹਿਮ ਮੁੱਦਾ 6.1 ਫ਼ੀਸਦੀ ਨਾਲ ਤੀਜੇ ਸਥਾਨ 'ਤੇ ਆਇਆ ਹੈ।
ਕੰਜ਼ਰਵੇਟਿਵ ਪਾਰਟੀ ਨੂੰ ਸਰਵੇ 'ਚ 54.2 ਫ਼ੀਸਦੀ ਅੰਕ ਮਿਲੇ ਹਨ। ਇਸ ਦੇ ਨਾਲ ਕੰਜ਼ਰਵੇਟਿਵ ਪਾਰਟੀ ਸਰਵੇ 'ਚ ਸਭ ਤੋਂ ਵੱਡੀ ਪਾਰਟੀ ਬਣ ਕੇ ਉੱਭਰੀ ਹੈ। ਇਸ ਤੋਂ ਬਾਅਦ ਐੱਨਡੀਪੀ ਨੂੰ 45.0 ਤੇ ਲਿਬਰਲ ਨੂੰ 44.4 ਅੰਕ ਮਿਲੇ। ਇਸ ਮਹੀਨੇ ਕਰਵਾਏ ਗਏ ਇਕ ਐਂਗਸ ਲੀਡ ਪੋਲ ਦੇ ਅਨੁਸਾਰ 57 ਫ਼ੀਸਦੀ ਕੈਨੇਡੀਅਨਾਂ ਦਾ ਮੰਨਣਾ ਹੈ ਕਿ ਟਰੂਡੋ ਨੂੰ ਲਿਬਰਲ ਪਾਰਟੀ ਦੇ ਆਗੂ ਵਜੋਂ ਅਹੁਦਾ ਛੱਡ ਦੇਣਾ ਚਾਹੀਦਾ ਹੈ। ਸਰਵੇਖਣ 'ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ 30 ਫ਼ੀਸਦੀ ਲੋਕ ਅਗਲੀਆਂ ਚੋਣਾਂ ਵਿੱਚ ਪੋਇਲੀਵਰ ਨੂੰ ਪ੍ਰਧਾਨ ਮੰਤਰੀ ਵਜੋਂ ਦੇਖਣਾ ਚਾਹੁੰਦੇ ਹਨ, ਜਦਕਿ ਇਸ ਦੇ ਉਲਟ ਸਿਰਫ 16 ਫ਼ੀਸਦੀ ਲੋਕਾਂ ਨੇ ਕਿਹਾ ਹੈ ਕਿ ਟਰੂਡੋ ਮੁੜ ਪ੍ਰਧਾਨ ਮੰਤਰੀ ਦੇ ਅਹੁਦੇ ਲਈ ਸਭ ਤੋਂ ਵਧੀਆ ਉਮੀਦਵਾਰ ਹਨ।