- Updated: May 23, 2024 03:06 PM
ਅਮਰੀਕਾ ਦੇ ਆਇਓਵਾ ਸੂਬੇ 'ਚ ਆਏ ਭਿਆਨਕ ਤੂਫਾਨ ਨੇ ਕਹਿਰ ਮਚਾ ਕੇ ਰੱਖ ਦਿੱਤਾ, ਜਿਸ ਕਾਰਨ ਕਈ ਲੋਕਾਂ ਦੀ ਮੌਤ ਹੋ ਗਈ ਅਤੇ ਸੈਂਕੜੇ ਲੋਕ ਨੁਕਸਾਨੇ ਗਏ। ਦੱਸ ਦੇਈਏ ਕਿ 2,000 ਦੀ ਆਬਾਦੀ ਵਾਲੇ ਗ੍ਰੀਨਫੀਲਡ ਵਿੱਚ ਆਏ ਬਵੰਡਰ ਨੇ ਸ਼ਹਿਰ ਦੇ ਇੱਕ ਵੱਡੇ ਹਿੱਸੇ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ।
ਇਸ ਦੌਰਾਨ ਤੇਜ਼ ਹਵਾਵਾਂ ਨੇ ਦਰੱਖ਼ਤ ਅਤੇ ਬਿਜਲੀ ਦੀਆਂ ਤਾਰਾਂ ਨੂੰ ਉਖਾੜ ਕੇ ਹੇਠਾ ਸੁੱਟ ਦਿੱਤਾ, ਜਿਸ ਕਾਰਨ ਆਇਓਵਾ ਦੇ ਕਰੀਬ 50 ਹਜ਼ਾਰ ਘਰਾਂ ਦੀ ਬਿਜਲੀ ਸਪਲਾਈ ਪ੍ਰਭਾਵਿਤ ਹੋਈ।ਇਸ ਤੋਂ ਇਲਾਵਾ ਵਿੰਡ ਫਾਰਮ ਵਿੱਚ ਲੱਗੀਆਂ 250 ਵਾਟ ਦੀਆਂ ਕਈ ਪੌਣ ਚੱਕੀਆਂ ਵੀ ਨਸ਼ਟ ਹੋ ਗਈਆਂ। ਮੌਸਮ ਸੇਵਾ ਦੇ ਅਨੁਸਾਰ ਇਸ ਹਫ਼ਤੇ ਦੇ ਅੰਤ 'ਚ ਪੂਰੇ ਅਮਰੀਕਾ 'ਚ ਕਈ ਥਾਵਾਂ 'ਤੇ ਭਿਆਨਕ ਤੂਫਾਨ ਆਉਣ ਦੀ ਸੰਭਾਵਨਾ ਹੈ।