- Updated: June 13, 2025 08:09 AM
ਅਹਿਮਦਾਬਾਦ ਜਹਾਜ਼ ਹਾਦਸੇ ਵਿੱਚ 241 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਕ ਯਾਤਰੀ ਐਂਮਰਜੈਂਸੀ ਦਰਵਾਜੇ ਰਾਂਹੀ ਛਾਲ ਮਾਰ ਕੇ ਬਚ ਗਿਆ। ਯਾਤਰੀ ਨੇ ਕਿਹਾ ਹੈ ਕਿ ਲਜਦੋਂ ਅੱਖਾਂ ਖੁੱਲੀਆਂ, ਤਾਂ ਚਾਰੇ ਪਾਸੇ ਲਾਸ਼ਾਂ ਹੀ ਲਾਸ਼ਾਂ ਸਨ… ਮੈਂ ਡਰ ਗਿਆ, ਖੜ੍ਹਾ ਹੋਇਆ ਅਤੇ ਬੱਸ ਦੌੜਨ ਲੱਗਾ …” ਇਹ ਸ਼ਬਦ ਹਨ 40 ਸਾਲਾ ਵਿਸ਼ਵਾਸ ਕੁਮਾਰ ਰਮੇਸ਼ ਦੇ। ਰਮੇਸ਼ ਅਹਿਮਦਾਬਾਦ ਵਿੱਚ ਵੀਰਵਾਰ ਨੂੰ ਹੋਏ ਭਿਆਨਕ ਏਅਰ ਇੰਡੀਆ ਜਹਾਜ਼ ਹਾਦਸੇ ਵਿੱਚ ਚਮਤਕਾਰੀ ਰੂਪ ਨਾਲ ਬਚ ਗਿਆ। ਲੰਡਨ ਜਾਣ ਵਾਲੀ ਫਲਾਈਟ ਵਿੱਚ ਸਵਾਰ 242 ਯਾਤਰੀਆਂ ਵਿੱਚੋਂ ਉਹ ਇਕਲੌਤਾ ਹੈ ਜੋ ਇਸ ਸਮੇਂ ਹਸਪਤਾਲ ਵਿੱਚ ਜ਼ਿੰਦਾ ਹੈ।
ਵਿਸ਼ਵਾਸ ਨੇ ਦੱਸਿਆ , “ਉਡਾਣ ਭਰਨ ਤੋਂ ਲਗਭਗ 30 ਸਕਿੰਟਾਂ ਬਾਅਦ, ਇੱਕ ਜ਼ੋਰਦਾਰ ਆਵਾਜ਼ ਆਈ ਅਤੇ ਫਿਰ ਜਹਾਜ਼ ਜ਼ਮੀਨ ਨਾਲ ਟਕਰਾ ਗਿਆ। ਸਭ ਕੁਝ ਇੰਨੀ ਤੇਜ਼ੀ ਨਾਲ ਹੋਇਆ ਕਿ ਸਮਝਣ ਦਾ ਸਮਾਂ ਨਹੀਂ ਮਿਲਿਆ।” ਉਸਦੀ ਛਾਤੀ, ਅੱਖਾਂ ਅਤੇ ਲੱਤਾਂ ‘ਤੇ ਗੰਭੀਰ ਸੱਟਾਂ ਹਨ। ਪਰ ਉਹ ਹੋਸ਼ ਵਿੱਚ ਹੈ ਅਤੇ ਗੱਲ ਕਰਨ ਦੇ ਯੋਗ ਹੈ। ਜਦੋਂ ਪੱਤਰਕਾਰਾਂ ਨੇ ਅਹਿਮਦਾਬਾਦ ਸਿਵਲ ਹਸਪਤਾਲ, ਅਸਰਵਾ ਦੇ ਜਨਰਲ ਵਾਰਡ ਵਿੱਚ ਉਸ ਨਾਲ ਗੱਲ ਕੀਤੀ, ਤਾਂ ਉਹ ਕੰਬਦੇ ਸ਼ਬਦਾਂ ਵਿੱਚ ਹਾਦਸੇ ਦਾ ਮੰਜ਼ਰ ਬਿਆਨ ਕਰ ਰਹੇ ਸੀ।
ਰਮੇਸ਼ ਕੁਮਾਰ ਵਿਸ਼ਵਾਸ ਇੱਕ ਬ੍ਰਿਟਿਸ਼ ਨਾਗਰਿਕ ਹੈ ਅਤੇ ਪਿਛਲੇ ਕੁਝ ਦਿਨਾਂ ਤੋਂ ਆਪਣੇ ਪਰਿਵਾਰ ਨੂੰ ਮਿਲਣ ਲਈ ਭਾਰਤ ਆਇਆ ਹੋਇਆ ਸੀ। ਉਹ ਆਪਣੇ ਭਰਾ ਅਜੈ ਕੁਮਾਰ ਰਮੇਸ਼ (45) ਨਾਲ ਲੰਡਨ ਵਾਪਸ ਆ ਰਿਹਾ ਸੀ। ਪਰ ਹੁਣ ਅਜੈ ਦਾ ਕੋਈ ਪਤਾ ਨਹੀਂ ਲੱਗ ਪਾ ਰਿਹਾ ਹੈ ।