- Updated: March 19, 2024 06:49 PM
ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ ਨੇ ਅੱਜ ਪ੍ਰੈੱਸ ਕਾਨਫਰੰਸ ਸਦੀ, ਜਿਸ 'ਚ ਉਨ੍ਹਾਂ ਨੇ ਪਹਿਲੇ ਕਿਸਾਨ ਅੰਦੋਲਨ ਦੀ ਗੱਲ ਕਰਦਿਆਂ ਕਿਹਾ ਕਿ ਇਹ ਗੱਲ ਜ਼ਰੂਰ ਕਰਾਂਗੇ ਕਿ ਸਾਡਾ ਇਤਿਹਾਸ ਹੈ ਕਿ 13 ਮਹੀਨੇ ਤੱਕ ਦਿੱਲੀ ਦੇ ਬਾਰਡਰ 'ਤੇ ਰਹੇ ਹਾਂ। ਉਨ੍ਹਾਂ ਕਿਹਾ ਜਦੋਂ ਅਸੀਂ ਉੱਥੋਂ ਉੱਠ ਕੇ ਵਾਪਸ ਜਾ ਰਹੇ ਸੀ ਤਾਂ ਲੋਕ ਸਾਨੂੰ ਗਲੇ ਮਿਲ ਕੇ ਰੋ ਰਹੇ ਸਨ। ਡੱਲੇਵਾਲ ਨੇ ਕਿਹਾ ਉੱਥੇ ਦੇ ਲੋਕਾਂ ਨਾਲ ਇੰਨਾ ਪਿਆਰ ਸੀ ਕਿ ਹੁਣ ਦੇ ਸਮੇਂ 'ਚ ਉਹ ਰਿਸ਼ਤੇਦਾਰਾਂ ਤੋਂ ਵੱਧ ਕੇ ਮਿਲ ਰਹੇ ਹਨ।
ਇਸ ਦੌਰਾਨ ਉਨ੍ਹਾਂ ਕਿਹਾ ਜੋ ਅੰਦੋਲਨ ਹੁਣ ਸ਼ੁਰੂ ਕੀਤਾ ਗਿਆ ਹੈ ਸਾਡੇ ਲੋਕਾਂ 'ਤੇ ਦੂਜੇ ਪਾਸਿਓਂ ਹਮਲੇ ਕੀਤੇ ਗਏ ਪਰ ਕਿਸਾਨਾਂ ਅਤੇ ਨੌਜਵਾਨਾਂ ਨੇ ਜ਼ਬਰ ਦਾ ਮੁਕਾਬਲਾ ਸਬਰ ਨਾਲ ਕੀਤਾ ਹੈ। ਉਨ੍ਹਾਂ ਕਿਹਾ ਪੰਜਾਬ ਅਤੇ ਹਰਿਆਣਾ ਕੁਰਬਾਨੀਆਂ ਦਿੱਤੀਆਂ, ਜੇਲ੍ਹ ਦੀ ਸਜ਼ਾ ਪੁਗਦੀ ਅਤੇ ਫ਼ਾਂਸੀ ਦੇ ਰੱਸੇ ਚੁੰਮੇ ਹਨ ਤਾਂ ਇਨ੍ਹਾਂ ਨਾਲ ਹੀ ਦੇਸ਼ ਦੀ ਅਖੰਡਤਾ ਦੀ ਗੱਲ ਕੀਤੀ ਜਾ ਰਹੀ ਹੈ।
ਕਿਸਾਨ ਆਗੂ ਨੇ ਕਿਹਾ ਹੁਣ ਦਿੱਲੀ ਤੋਂ ਬਿਆਨ ਆਇਆ ਹੈ ਕਿ ਸਿੱਖ ਰੈਜੀਮੈਂਟ ਅਤੇ ਜਾਟ ਰੈਜੀਮੈਂਟ ਨੂੰ ਅੱਗੇ ਲਿਆਉਣ ਦੀ ਜ਼ਰੂਰ ਹੈ ਤਾਂ ਹੁਣ ਇਨ੍ਹਾਂ ਨੂੰ ਸਿੱਖ ਅਤੇ ਜਾਟ ਯਾਦ ਆਉਂਦੇ ਹਨ। ਉਨ੍ਹਾਂ ਕਿਹਾ ਸਿੱਖਾਂ, ਜਾਟ ਅਤੇ ਸਾਡੇ ਬੱਚਿਆਂ ਨੇ ਇਨ੍ਹਾਂ ਦੇ ਜ਼ੁਲਮਾਂ ਦਾ ਮਿਲਕੇ ਮੁਕਾਬਲਾ ਕੀਤਾ ਅਤੇ ਦੇਸ਼ ਦੀ ਏਕਤਾ ਨੂੰ ਕਾਇਮ ਰੱਖਿਆ ਹੈ। ਉਨ੍ਹਾਂ ਕਿਹਾ ਜੇਕਰ ਹੋਰ ਵੀ ਧਿਆਨ ਨਾਲ ਦੇਖਿਆ ਜਾਵੇ ਤਾਂ ਫੌਜ 'ਚ ਜੋ ਜਵਾਨ ਭਰਤੀ ਹਨ ਉਹ ਕਿਸਾਨਾਂ ਤੇ ਮਜ਼ਦੂਰਾਂ ਦੇ ਬੱਚੇ ਹੀ ਜਾਂਦੇ ਹਨ ਅਤੇ ਆਏ ਦਿਨ ਸਰਹੱਦਾਂ ਤੋਂ ਤਿਰੰਗੇ 'ਚ ਲਿਪਟ ਕੇ ਵਾਪਸ ਆਉਂਦੇ ਹਨ। ਜੋ ਇਹ ਤਿਰੰਗਾ ਉਨ੍ਹਾਂ ਨੇ ਕਦੇ ਆਪਣੇ ਦਫ਼ਤਰ ਨਹੀਂ ਫੈਰਾਇਆ ਹੋਵੇਗਾ।