- Updated: April 17, 2025 07:12 PM
ਜਲੰਧਰ ਸ਼ਹਿਰ ਦੇ ਟਾਂਡਾ ਅੱਡਾ ਫਾਟਕ ਤੋਂ ਸੋਢਲ ਫਾਟਕ ਵੱਲ ਜਾਣ ਵਾਲੀ ਸੜਕ 'ਤੇ ਰੇਲਵੇ ਲਾਈਨਾਂ ਕੋਲੋਂ ਇਕ ਲਾਸ਼ ਮਿਲੀ ਹੈ। ਲਾਸ਼ ਅੱਧੀ ਸੜੀ ਹੋਈ ਸੀ ਅਤੇ ਇਕ ਚਾਦਰ ਵਿੱਚ ਬੰਨ੍ਹ ਕੇ ਕੂੜੇ ਦੇ ਢੇਰ 'ਤੇ ਸੁੱਟ ਦਿੱਤੀ ਗਈ ਸੀ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਨੌਜਵਾਨ ਦਾ ਕਤਲ ਕਰਕੇ ਉਸ ਦੀ ਪਛਾਣ ਨੂੰ ਲੁਕਾਉਣ ਲਈ ਲਾਸ਼ ਸਾੜ ਦਿੱਤਾ ਅਤੇ ਖੁਰਦ-ਬੁਰਦ ਕਰਨ ਦੀ ਨੀਅਤ ਨਾਲ ਰੇਲਵੇ ਟਰੈਕ ਦੇ ਕੋਲ ਕੂੜੇ ਦੇ ਢੇਰ ਵਿਚ ਸੁੱਟ ਦਿੱਤੀ।
ਹਾਲਾਂਕਿ ਜਦੋਂ ਲੋਕ ਉੱਥੋਂ ਲੰਘੇ ਅਤੇ ਇਕ ਅਜੀਬ ਬਦਬੂ ਆਉਣ 'ਤੇ ਵੇਖਿਆ ਕਿ ਉਥੇ ਇਕ ਲਾਸ਼ ਪਈ ਹੋਈ ਸੀ। ਲੋਕਾਂ ਨੇ ਪੁਲਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਜੀ. ਆਰ. ਪੀ. ਅਤੇ ਥਾਣਾ ਨੰਬਰ 8 ਦੀ ਪੁਲਸ ਮੌਕੇ 'ਤੇ ਪਹੁੰਚ ਗਈ। ਫਿਲਹਾਲ ਪੁਲਸ ਮਾਮਲੇ ਦੀ ਜਾਂਚ ਵਿੱਚ ਰੁੱਝੀ ਹੋਈ ਹੈ। ਮ੍ਰਿਤਕ ਦੀ ਅਜੇ ਪਛਾਣ ਨਹੀਂ ਹੋ ਸਕੀ ਹੈ।