- Updated: March 22, 2024 07:48 PM
ਲਗਭਗ ਇਕ ਦਹਾਕੇ ਬਾਅਦ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਰਾਹੀਂ ਸਾਬਕਾ ਭਾਰਤੀ ਕ੍ਰਿਕਟਰ ਨਵਜੋਤ ਸਿੰਘ ਸਿੱਧੂ ਨੇ ਕੁਮੈਂਟਰੀ ਬਾਕਸ ਵਿਚ ਵਾਪਸੀ ਕਰ ਲਈ ਹੈ। ਉਨ੍ਹਾਂ ਦਾ ਸਟੂਡੀਓ ਵਿਚ ਤਾੜੀਆਂ ਦੀ ਗੜਗੜਾਹਟ ਨਾਲ ਸਵਾਗਤ ਕੀਤਾ ਗਿਆ।
ਇਸ ਦੌਰਾਨ ਜਦੋਂ ਸਿੱਧੂ ਨੂੰ ਪੁੱਛਿਆ ਗਿਆ ਕਿ ਇਸ ਸੀਜ਼ਨ ਵਿਚ ਅਜਿਹੀ ਕੀ ਖ਼ਾਸ ਗੱਲ ਹੈ ਜੋ ਤੁਹਾਨੂੰ ਵਾਪਸ ਖਿੱਚ ਲਿਆਈ? ਇਸ 'ਤੇ ਸਿੱਧੂ ਨੇ ਸ਼ਾਇਰੀ ਵਿਚ ਜਵਾਬ ਦਿੰਦਿਆਂ ਕਿਹਾ, ਅਜਬ ਬਣ ਗਿਆ ਗਜਬ ਬਣ ਗਿਆ, ਆਈ. ਪੀ. ਐੱਲ. ਖ਼ੁਸ਼ੀਆਂ ਦਾ ਸੱਬਬ ਬਣ ਗਿਆ। ਜੋ ਲੋਕ ਕ੍ਰਿਕਟ ਨੂੰ ਸਮਝਦੇ ਹਨ ਖ਼ੁਦਾ ਯਾਰੋ, ਉਨ੍ਹਾਂ ਆਈ.ਪੀ.ਐੱਲ. ਦੇ ਦੀਵਾਨਿਆਂ ਲਈ ਇਹ ਇਕ ਮਜ਼ਹਬ ਬਣ ਗਿਆ।
ਸਿੱਧੂ ਨੇ ਕੁਮੈਂਟਰੀ 'ਚ ਆਪਣੀ ਖ਼ਾਸ ਪਛਾਣ ਬਣਾਈ ਸੀ ਪਰ ਇਸ ਤੋਂ ਬਾਅਦ ਉਹ ਸਿਆਸਤ 'ਚ ਰੁੱਝ ਗਏ ਸਨ। ਹੁਣ ਉਹ ਆਈ.ਪੀ.ਐੱਲ. ਨਾਲ ਆਪਣੀ ਪੁਰਾਣੀ ਪਾਰੀ ਸ਼ੁਰੂ ਕਰਨ ਲਈ ਤਿਆਰ ਹਨ। ਸਿੱਧੂ ਇਸ ਤੋਂ ਪਹਿਲਾਂ 1999 ਤੋਂ 2014 ਤੱਕ ਕੁਮੈਂਟਰੀ ਕਰਦੇ ਰਹੇ ਸਨ।