- Updated: June 29, 2022 12:33 AM
ਮੁੰਬਈ : ਇਸ ਸਾਲ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਏਸ਼ੀਆ ਦੇ ਚਾਰ ਸਭ ਤੋਂ ਅਮੀਰ ਸੈਲੇਬ੍ਰਿਟੀ ਪਾਵਰ ਕੱਪਲਜ਼ ’ਚ ਸ਼ਾਮਲ ਹੋ ਗਏ ਹਨ। ਇੰਡੀਅਨ ਇੰਸਟੀਚਿਊਟ ਆਫ ਹਿਊਮਨ ਬ੍ਰਾਂਡਸ ਵਲੋਂ ਕਰਵਾਏ ਗਏ ਇਕ ਸਰਵੇਖਣ ਅਨੁਸਾਰ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਨੂੰ ਹਾਲ ਹੀ ’ਚ ਬਾਲੀਵੁੱਡ ’ਚ ਸਭ ਤੋਂ ਜ਼ਬਰਦਸਤ ਜੋੜੀ ਵਜੋਂ ਚੁਣਿਆ ਗਿਆ ਸੀ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਨੇ ਦੀਪਿਕਾ ਨੂੰ ਭਾਰਤ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਅਦਾਕਾਰਾ ਐਲਾਨਿਆ ਗਿਆ, ਜੋ ਫ਼ਿਲਮਾਂ ਤੇ ਇਸ਼ਤਿਹਾਰਾਂ ਤੋਂ ਇਕ ਸਾਲ ’ਚ 10 ਮਿਲੀਅਨ ਅਮਰੀਕੀ ਡਾਲਰ ਕਮਾਉਂਦੀ ਹੈ, ਜੋ ਕੁਲ ਮਿਲਾ ਕੇ 40 ਮਿਲੀਅਨ ਅਮਰੀਕੀ ਡਾਲਰ ਹੁੰਦੀ ਹੈ।
ਡਫ ਐਂਡ ਫੇਲਪਸ ਦੀ ਰਿਪੋਰਟ ਅਨੁਸਾਰ ਰਣਵੀਰ ਦੀ ਬ੍ਰਾਂਡ ਵੈਲਿਊ ਇਸ ਸਮੇਂ 158 ਮਿਲੀਅਨ ਅਮਰੀਕੀ ਡਾਲਰ ਹੈ, ਜੋ ਕਿ 2020 ’ਚ ਉਸ ਦੇ 102.93 ਮਿਲੀਅਨ ਅਮਰੀਕੀ ਡਾਲਰ ਦੇ ਅੰਕੜੇ ਤੋਂ ਕਾਫੀ ਜ਼ਿਆਦਾ ਹੈ। ਇਸ ਨੇ ਉਨ੍ਹਾਂ ਨੂੰ ਇਸ ਸਮੇਂ ਭਾਰਤ ’ਚ ਸਭ ਤੋਂ ਮਹਿੰਗਾ ਬਾਲੀਵੁੱਡ ਸੈਲੇਬ੍ਰਿਟੀ ਬਣਾ ਦਿੱਤਾ ਹੈ। ਦੱਸ ਦੇਈਏ ਕਿ ਰਣਵੀਰ ਸਿੰਘ ਦਾ ਹਾਲ ਹੀ ’ਚ ਨੈੱਟਫਲਿਕਸ ’ਤੇ ਆਉਣ ਵਾਲੇ ਸ਼ੋਅ ‘ਰਣਵੀਰ ਵਰਸਿਜ਼ ਵਾਈਲਡ’ ਦਾ ਟਰੇਲਰ ਰਿਲੀਜ਼ ਹੋਇਆ ਹੈ। ਇਸ ’ਚ ਉਹ ਮਸ਼ਹੂਰ ਹੋਸਟ ਬੀਅਰ ਗਰਿੱਲਜ਼ ਨਾਲ ਜੰਗਲ ਦੀਆਂ ਮੁਸ਼ਕਿਲਾਂ ਨੂੰ ਪਾਰ ਕਰਦੇ ਨਜ਼ਰ ਆਉਣਗੇ।